ரஜினிகாந்த் நடித்த ’ஜெயிலர்’ திரைப்படம் அண்மையில் வெளியாகி மிகப்பெரிய வெற்றி பெற்ற நிலையில் அவருடைய அடுத்த படமான ’தலைவர் 170’ படத்தின் படப்பிடிப்பு விரைவில் ஆரம்பிக்க இருப்பதாக சினிமா வட்டாரங்கள் தெரிவிக்கின்றன.
சூர்யா நடித்த ’ஜெய்பீம்’ திரைபடத்தை இயக்கிய இயக்குனர் ஞானவேல் சூப்பர் ஸ்டாரின் அடுத்த திரைப்படத்தை இயக்கவுள்ளதுடன் இந்த திரைப்படத்தின் படப்பிடிப்பு அடுத்த மாதம் ஆரம்பமாகும் என எதிர்பார்க்கப்படுகிறது.
இந்நிலையில் இப்படத்தின் தலைப்பு ’வேட்டையன்’ என தகவல்கள் வெளியாகியுள்ளன.
‘வேட்டையன்’ எனும் கதாபாத்திரத்தில் சூப்பர் ஸ்டார் ரஜினிகாந் நடித்து சக்கைபோடு போட்ட ’சந்திரமுகி’ திரைப்படம் இன்றளவிலும் அவரது ரசிகர்கள் மத்தியில் பேசப்பட்டு வரும் நிலையில் அவரது அடுத்த திரைப்படத்திற்கும் இந்த பெயர் இருப்பது ரசிகர்களின் எதிர்பார்ப்பை மேலும் அதிகரித்துள்ளது.