ஹட்டன் நுவரெலியா பிரதான வீதியின் கொட்டகலை நகரில் மோட்டார் வாகனமும் முச்சக்கரவண்டியும் நேருக்கு நேர் மோதி விபத்துக்குள்ளானதில் முச்சக்கரவண்டியின் சாரதி படுகாயமடைந்துள்ளார்.
குறித்த விபத்து நேற்று (20.08) இடம்பெற்றுள்ளது,
காயமடைந்தவர் கொட்டகலை பிரதேச வைத்தியசாலையில் அனுமதிக்கப்பட்டதன் பின்னர் மேலதிக சிகிச்சைக்காக திக் ஓயா ஆரம்ப வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளனர்.
அதிவேகமாக ஓடிய கார், ஹட்டனில் இருந்து தலவாக்கலை நோக்கி எதிர்திசையில் பயணித்த முச்சக்கரவண்டி மீது மோதி விபத்துக்குள்ளாகியுள்ளது.
இந்நிலையில் காரின் சாரதி திம்புல பத்தனை பொலிஸாரால் கைது செய்யப்பட்டுள்ளார். ஹட்டன் நுவரெலியா பிரதான வீதியில் திம்புளை பொலிஸ் பிரிவிற்குட்பட்ட பகுதியில் கடந்த சில வாரங்களாக பல வீதி விபத்துக்கள் இடம்பெற்றுள்ளதுடன், வாகனங்களின் அதிவேகமும் கவனக்குறைவுமே விபத்துக்கள் ஏற்பட காரணம் என பொலிஸார் கூறியுள்ளனர்.