நமுனுகுல பிரதேசத்தில் உள்ள ஆலயமொன்றில் இடம்பெற்ற வருடாந்த தேர் திருவிழாவின் போது மின்சாரம் தாக்கி இருவர் உயிரிழந்துள்ளனர்.
மின்சாரம் தாக்கிய மேலும் மூவர் பசறை மாவட்ட வைத்தியசாலையில் அனுமதிக்கப்பட்டுள்ளதாக பொலிஸார் தெரிவிக்கின்றனர்.
ரத பவனியில் பயணித்த வாகனமொன்று உயர் அழுத்த மின்கம்பியில் மோதியதில் இந்த விபத்து ஏற்பட்டுள்ளது.
நேற்று (23.08) பிற்பகல் ஆரம்பமான குறித்த ரத பவனி இன்று (24.08) அதிகாலை வரை தொடர்ந்ததாகவும், குறித்த பவனியில் கலந்துகொண்ட வண்டியின் மேல்பகுதி உயர் அழுத்த மின்கம்பியில் மோதியுள்ளதாக பொலிஸார் மேலும் தெரிவித்தனர்.
சம்பவத்தில் அதே பிரதேசத்தைச் சேர்ந்த 30 மற்றும் 42 வயதுடையவர்களே உயிரிழந்துள்ளதாக தெரிவிக்கப்படுகின்றது.
சம்பவம் தொடர்பான மேலதிக விசாரணைகளை நமுனுகுல பொலிஸார் மேற்கொண்டு வருகின்றனர்.