வவுனியாவில் பல இடங்களில் இடைவிடாது மழை பெய்து வருவதாக அரசாங்க தகவல் திணைக்களத்தின் வவுனியா ஊடக பிரிவு தெரிவித்துள்ளது.
நிலவும் சீரற்ற வானிலை காரணமாக வவுனியா மாவட்டத்தின் பல இடங்களில் கணிசமான மழை பெய்து வருகின்றது. குறித்த காலநிலை காரணமாக வவுனியா, செட்டிக்குளம், நெடுங்கேணி, புளியங்குளம், வவுனியா தெற்கு ஆகிய பகுதிகளில் நேற்று(04.09) முதல் மழை பெய்து வருகின்றது.
ஆகஸ்ட் மற்றும் செப்டம்பர் மாதங்களில் வவுனியா மாவட்டத்திற்கு கடுமையான வறட்சி நிலவியது, குறித்த காலகட்டத்தில் தோட்டங்கள் விவசாயத்திற்கு தயார் செய்யப்பட்டது. எனினும் தற்போது நிலவும் காலநிலை மாற்றத்தால் தானியங்கள் விதைப்பற்கு தயார் செய்கின்ற நடவடிக்கைகளில் தடைகள் ஏற்பட்டுள்ளதாக தெரிவிக்கப்பட்டுள்ளது.