கல்பிட்டி கந்தகுளிய விமானப்படை தளத்தில் நேற்று (26.09) வெடிப்பு சம்பவம் ஒன்று பதிவாகியுள்ளது. இதில் விமானப்படை வீரர் ஒருவர் உயிரிழந்துள்ளார்.
வெடிகுண்டு செயலிழக்கும் இடத்தில் இந்த வெடிப்பு நிகழ்ந்துள்ளதாக விமானப்படை ஊடகப் பேச்சாளர் குரூப் கப்டன் துஷான் விஜேசிங்க தெரிவித்துள்ளார்.
இந்த வெடி விபத்தில் 28 வயதுடைய விமானப்படை வீரர் ஒருவர் உயிரிழந்துள்ளதுடன், மற்றொரு விமானப்படை வீரர், காயமடைந்துள்ளதாகவும் தெரிவிக்கப்பட்டுள்ளது.
குறித்த வெடிப்பு சம்பவம் தொடர்பில் விமானப்படையினரால் விசேட விசாரணைகள் ஆரம்பிக்கப்பட்டுள்ளதாக விமானப்படை பேச்சாளர் தெரிவித்துள்ளார்.