நியூசிலாந்து அடுத்தடுத்து இரண்டு பெரிய வெற்றிகள்

நியூசிலாந்து மற்றும் நெதர்லாந்து அணிகளுக்கிடையில் நடைபெற்ற உலகக்கிண்ண கிரிக்கெட் தொடரின் இன்றைய போட்டியில் நியூசிலாந்து பாரிய வெற்றி ஒன்றை பெற்றுள்ளது.

இந்தியா, ஹைதராபாத் மைதானத்தில் நடைபெற்ற போட்டியில் 323 என்ற வெற்றியிலக்குடன் துடுப்பாடிய நெதர்லாந்து அணி 46.3 ஓவர்களில் சகல விக்கெட்ளையும் இழந்து 223 ஓட்டங்களை பெற்றது. இதில் கொலின் எக்கர்மன் ஓரளவு சிறப்பாக துடுப்பாடியுள்ளார். ஏனைய துடுப்பாட்ட வீரர்களும் ஓரளவு துடுப்பாடிய போதும் வெற்றி பெறக்கூடியளவுக்கு துடுப்பாடவில்லை.

மிட்செல் சென்டனர் மிக சிறப்பாக பந்துவீசி விக்கெட்களை தகர்த்துக்கொடுத்தார்.

இந்தப் போட்டியில் நாணய சுழற்சியில் வெற்றி பெற்ற நெதர்லாந்து அணி களத்தடுப்பைதெரிவு செய்தது.
முதலில் துடுப்பாடிய நியூசிலாந்து அணி 50 ஓவர்களில் 07 விக்கெட் இழப்பிற்கு 322 ஓட்டங்களை பெற்றது.

முன் வரிசை துடுப்பாட்ட வீரர்கள் சிறந்த இணைப்பாட்டங்களை வழங்கினார்கள். கடந்த போட்டியில் சிறப்பாக துடுப்பாடிய ரச்சின் ரவீந்திர இந்தப் போட்டியிலும் சிறப்பாக துடுப்பாடினார். கடந்த போட்டியில் சிறப்பாக துடுப்பாட தவறிய வில் ஜங் இந்தப் போட்டியில் நல்ல முறையில் துடுப்படினார்கள். முதல் ஐந்து துடுப்பாட்ட வீரர்கள் நல்ல முறையில் ஓட்டங்களை பெற அணியின் ஓட்ட எண்ணிக்கை உயர்ந்தது.

நியூசிலாந்து அணி அடுத்தடுத்து இரண்டு போட்டிகளில் பெரிய வெற்றியினை பெற்று ஓட்ட நிகர சராசரி வேகத்தை மிகவும் அதிகரித்துள்ளது.

அணி விபரம்

நியூசிலாந்து அணி: , டிரென்ட் போல்ட், மார்க் சப்மன், டெவோன் கொன்வே, லூக்கி பெர்குசன், மட் ஹென்றி, ரொம் லெதாம்(தலைவர்), டெரில் மிட்செல், கிளென் பிலிப்ஸ், ரச்சின் ரவீந்திர, மிட்செல் சென்ட்னர் , வில் ஜங்

நெதர்லாந்து அணி: ஸ்கொட் எட்வேர்ட்ஸ் (தலைவர்), மக்ஸ் ஓ டொவ்ட், பஸ் டி லீட், விக்ரம் சிங், தேஜா நிடமனுரு, போல் வான் மீகெரென், கொலின் அக்கர்மன், ரோலோஃப் வன் டெர் மேர்வ், ஆர்யன் டட், ரியான் க்ளீன், சைப்ரண்ட் ஏஞ்சல்பிரெக்ட்