போதைப்பொருள் பாவனையைக் கட்டுப்படுத்தும் வகையில் மேற்கொள்ளப்பட்ட யுக்திய திடீர் சுற்றி வளைப்பில் மன்னாரில் 70 பேர் கைது செய்யப்பட்டுள்ளனர்.
நாடளாவிய ரீதியில் கடந்த வாரம் முதல் முன்னெடுக்கப்பட் “யுக்திய” நடவடிக்கையின் போது மன்னார் மாவட்டத்தில்; 27.6 கிராம் ஹெரோயின் கைப்பற்றப்பட்டதுடன் 6 வழக்குகள் தாக்கல் செய்யப்பட்டுள்ளதுடன் 28.01 கிராம் ஐஸ் போதைப்பொருள் கைப்பற்றப்பட்டதையடுத்து 13 வழக்குகள் தாக்கல் செய்யப்பட்டுள்ளன.
அத்துடன் 160.47 கிராம் கஞ்சா போதைப்பொருள் கைப்பற்றப்பட்டதுடன் 29 வழக்குகள் தாக்கல் செய்யப்பட்டுள்ளன.
இதேவேளை, மாவா போதைப்பொருள்; 386 கிராமும் மதகமொத போதைப்பொருள் கைப்பற்றப்பட்டுள்ளடன் 19 ஆயிரத்து 994 குளிசைகளும் கைப்பற்றப்பட்டுள்ளன.
மன்னார் மற்றும் அடம்பன் பகுதியிலேயே அதிகமானோர் கைது செய்யப்பட்டுள்ளதாகப் பொலிஸார் தெரிவித்துள்ளனர்.