அரச உர நிறுவனத்தினால் உற்பத்தி செய்யப்படும் 5 வகையான உரங்களின் விலைகள் நேற்று(17.07) முதல் குறைக்கப்பட்டுள்ளது.
உரத்தின் விலையை 1500 ரூபாய் முதல் 2000 ரூபாய் வரை குறைக்க நடவடிக்கை எடுக்கப்பட்டுள்ளதாக அரச உர நிறுவனத்தின் தலைவர் ஜகத் பெரேரா தெரிவித்துள்ளார்.
கறுவா, தேயிலை, தென்னை போன்ற பெருந்தோட்ட பயிர்களுக்குப் பயன்படுத்தப்படும் உரங்களின் விலைகளை குறைக்க நடவடிக்கை எடுக்குமாறும் விவசாய மற்றும் பெருந்தோட்ட கைத்தொழில் அமைச்சர் மகிந்த அமரவீரவினால் அரச உரக் கம்பனிக்கு ஆலோசனை வழங்கப்பட்டிருந்தது.
இந்நிலையில், விவசாய மற்றும் பெருந்தோட்ட கைத்தொழில் அமைச்சில் நேற்று(17.07) நடைபெற்ற கலந்துரையாடலில் உரங்களுக்கான புதிய விலைகள் அறிவிக்கப்பட்டுள்ளன.
இதன்படி, 9000 ரூபாவிற்கு விற்பனை செய்யப்பட்ட 50 கிலோ கிராம் APM உரம் 7200 ரூபாவாக குறைக்கப்பட்டுள்ளது.
8000 ரூபாவிற்கு விற்பனை செய்யப்பட்ட 50 கிலோ கிராம் YPM உரம் 6200 ரூபாவாக குறைக்கப்பட்டுள்ளது.
9750 ரூபாவிற்கு விற்பனை செய்யப்பட்ட 50 கிலோ கிராம் யூரியா உரம் 7950 ரூபாவாக குறைக்கப்பட்டுள்ளது.
8000 ரூபாவிற்கு விற்பனை செய்யப்பட்ட 50 கிலோ கிராம் கறுவா(SA) உரம் 6200 ரூபாவாக குறைக்கப்பட்டுள்ளது.
11000 ரூபாவிற்கு விற்பனை செய்யப்பட்ட 50 கிலோ கிராம் TDM உரம் 9200 ரூபாவாக குறைக்கப்பட்டுள்ளது.