சூர்யா நடித்துள்ள ‘கங்குவா’ படத்தின் ட்ரெய்லர் அடுத்த மாதம் 12ஆம் திகதி வெளியிடப்படும் என படக்குழு உத்தியோகப்பூர்வமாக அறிவித்துள்ளது.
சூர்யா நடிப்பில் அடுத்ததாக திரையரங்குகளில் வெளியாக உள்ள திரைப்படம் கங்குவா.
இதில் திஷா பதானி, பாபி தியோல், யோகி பாபு, ரெடின் கிங்ஸ்லி உட்பட பலர் நடித்துள்ளனர்.
யுவி கிரியேஷன்ஸ் மற்றும் ஸ்டூடியோ கிரீன் நிறுவனங்கள் இணைந்து தயாரிக்கும் இந்தப் படத்தை சிறுத்தை சிவா இயக்கியுள்ளார்.
வெற்றி பழனிச்சாமி ஒளிப்பதிவு செய்துள்ளதுடன் தேவிஸ்ரீ பிரசாத் இசையமைத்துள்ளார்.
3டியில் உருவாகும் இந்தப் படம் தமிழ், தெலுங்கு, இந்தி உட்பட 10 மொழிகளில் வெளியாக இருக்கிறது.
இதில் இரண்டு கதாபாத்திரங்களில் சூர்யா நடிப்பதாக கூறப்படுகிறது. இந்தப் படம் ஒக்டோபர் மாதம் 10ஆம் திகதி திரையரங்குகளில் வெளியாக உள்ளது.
இந்நிலையில் இந்த படத்தின் ட்ரெய்லர் எதிர்வரும் திங்கட்கிழமை வெளியிடப்படும் என அறிவிக்கப்பட்டுள்ளது.
