13 மில்லியன் ரூபா பெறுமதியான கொக்கெய்ன் போதைப்பொருளுடன் சியரா லியோன் பிரஜை ஒருவர் கட்டுநாயக்க விமான நிலையத்தில் நேற்று (13.11) கைதுசெய்யப்பட்டுள்ளார்.
சந்தேகத்தின் பெயரில் அந்த நபரை தடுத்து வைத்து, ஸ்கேன் பரிசோதனைக்கு உட்படுத்திய நிலையில், அந்த நபர் 17 கொக்கெய்ன் மாத்திரைகளை விழுங்கியிருப்பது கண்டுபிடிக்கப்பட்டது.
32 வயதுடைய சந்தேகநபர் நீர்கொழும்பு வைத்தியசாலையில் அனுமதிக்கப்பட்ட நிலையில், கடத்தப்பட்ட கொக்கெய்ன் போதைப்பொருள் மீட்கப்பட்டுள்ளது.
மீட்கப்பட்ட கொக்கெய்ன் மாத்திரைகளுடன் சந்தேகநபர் மேலதிக விசாரணைகளுக்காக போதைப்பொருள் தடுப்புப் பிரிவினரிடம் ஒப்படைக்கப்பட்டுள்ளார்