மோசடிகள் மற்றும் ஊழல்கள் குறித்து நேரடியாக தங்களிடம் கூறுமாறு இளைஞர் விவகார மற்றும் விளையாட்டுத்துறை அமைச்சர் சுனில் குமார கமகே தெரிவித்துள்ளார்.
சுகததாச இன்று (28.11) காலை தேசிய விளையாட்டு வளாக அதிகாரசபையின் கண்காணிப்பு நிகழ்வில் கலந்து கொண்ட போதே அமைச்சர் இதனைத் தெரிவித்தார்.
இத்தருணத்தில் விளையாட்டுத்துறை பிரதி அமைச்சர் சுகத் திலகரத்ன, இளைஞர் விவகார பிரதி அமைச்சர் எரங்க குணசேகர ஆகியோரும் கலந்துகொண்டனர்.
அங்கு கருத்து தெரிவித்த இளைஞர் விவகார மற்றும் விளையாட்டுத்துறை அமைச்சர் திரு.சுனில் குமார கமகே…
“இதுவரை நடந்த அரசியல், கட்சி வேறுபாடு, குறைகளை மறந்து வேலையை ஆரம்பிப்போம், ஆனால் செய்த திருட்டு, மோசடி, ஊழல்களை மறக்க முடியாது. மனித இரக்கம் நிறைந்த சமுதாயத்தை உருவாக்குவதே எங்கள் நோக்கம். அதற்கு, ஊழல், மோசடி இல்லாத நாட்டை உருவாக்க வேண்டும்.
நிறுவனங்களில் நடக்கும் மோசடிகள், ஊழல்கள் குறித்து நேரடியாக வந்து சொல்லுங்கள். நீங்கள் முன்பு சொல்ல முடியாது. அமைச்சரும் உயர் அதிகாரிகளும் எங்கோ சம்பந்தப்பட்டிருப்பதுதான் அதற்குக் காரணம். இப்போது அப்படி இல்லை. எங்களுடன் சேர பயப்பட வேண்டாம்.
இன்றைய இளைஞர்களை போதையில் இருந்து விடுவித்து, அவர்கள் இந்த நாட்டை விட்டு வெளியேறுவதைத் தடுத்து, வேலைப் பாதுகாப்பைப் ஏற்படுத்த நாம் பாடுபட வேண்டும். அதற்கு சுகததாச விளையாட்டு வளாக அதிகாரசபை சிறப்பான பணியை செய்ய முடியும்.
இன, மத பேதமற்ற சமூகத்தை கட்டியெழுப்புவதன் மூலம் நாட்டை அபிவிருத்தி செய்வதே ஜனாதிபதி உள்ளிட்ட எமது புதிய அரசாங்கத்தின் நோக்கமாகும். தேசிய ஒற்றுமையை உருவாக்குவது எங்களின் முன்னுரிமையாக மாறியுள்ளது. அந்த இலக்கை நோக்கி உழைப்போம். குறுகிய கால, நடுத்தர கால மற்றும் நீண்ட கால தேசிய திட்டத்தின் படி நாம் செயல்பட ஆரம்பிக்க வேண்டும்.
தேசிய ஒற்றுமையை உருவாக்கவும் விளையாட்டுகளை பயன்படுத்த வேண்டும். அதற்கு இதுவரை எவ்வளவு பங்களிப்புச் செய்யப்பட்டுள்ளது என்பது மீளாய்வு செய்ய வேண்டிய விடயம்.
விளையாட்டு வெற்றிகள் தேவை. ஆனால் வெற்றிகளை மட்டுமல்ல தோல்விகளையும் அறிந்த ஒரு தரமான வீரரை உருவாக்க வேண்டும். இந்தப் பண்புகளை பாடசாலை பருவத்தில் வீரர்களுக்கு வழங்குவது நமது பொறுப்பும் கடமையும் ஆகும். சமீபகாலமாக ஒரு பாடசாலையில் ரக்பி வீரர்கள் சண்டையிடுவதை சமூக ஊடகங்களில் பார்த்தோம். அந்த நிலை மாறி, வீரர்களுக்கிடையேயான தோழமையும், விளையாட்டுத் தன்மையும் மேம்பட வேண்டும்.
கிராமிய பாடசாலையில் இருந்து வெளிப்பட்டு நாட்டிற்கு சர்வதேச வெற்றிகளை பெற்றுத்தந்த சகாப்தத்தின் மிகவும் திறமையான விளையாட்டு வீரர் தற்போது விளையாட்டுத்துறைக்கு பொறுப்பான பிரதி அமைச்சர் பதவியை வகிக்கின்றார். இது நம் நாட்டு விளையாட்டு வீரர்கள் பெற்ற அதிர்ஷ்டம். சுகத் திலகரத்ன போன்ற வீரர்களின் அனுபவம் விளையாட்டின் முன்னேற்றத்திற்கு மிகவும் மதிப்புமிக்கது” என்றார்.
இத்தருணத்தில் விளையாட்டுக் கழகங்கள், அரசியல் கட்சிகள், நுவரெலியா ரேஸ்கோர்ஸ், கெத்தாராம சர்வதேச கிரிக்கெட் மைதானம், போகம்பரா மைதானம், பெலியஅத்த நீச்சல் தடாகம் போன்ற பல விடயங்கள் தொடர்பில் அமைச்சரின் கவனத்திற்கு கொண்டு வரப்பட்டது.
இளைஞர் விவகார மற்றும் விளையாட்டு அமைச்சின் செயலாளர் திரு. அருண பண்டார, சுகததாச விளையாட்டு வளாக அதிகாரசபையின் தலைவர் திரு. காமினி விக்ரமபால, அதன் பணிப்பாளர் திரு. HMCB ஹேரத் உட்பட சிரேஷ்ட அதிகாரிகள் குழு இந்த நிகழ்வில் கலந்துகொண்டனதாக இளைஞர் விவகாரங்கள் மற்றும் விளையாட்டு ஊடகப் பிரிவு தெரிவித்துள்ளது.
