இராணுவத் தளபதி லெப்டினன்ட் ஜெனரல் விக்கும் லியனகே ஓய்வு பெற்றதைத் தொடர்ந்து, இலங்கை இராணுவத்தின் 25 ஆவது தளபதியாக மேஜர் ஜெனரல் லசந்த ரொட்ரிகோ பதவியேற்கவுள்ளார்.
மேஜர் ஜெனரல் ரொட்ரிகோவின் நியமனம் தொடர்பான உத்தியோகபூர்வ அறிவிப்பு விரைவில் வெளியாகும் என அரச வட்டாரங்கள் உறுதிப்படுத்தியுள்ளன.
தற்போதைய இராணுவ தளபதி லெப்டினன்ட் ஜெனரல் விகும் லியனகேவின், சேவை நீடிப்பு நாளையுடன் நிறைவடைய உள்ளது.
முன்னதாக, அவருக்கு இரண்டு தடவைகளில் சேவை நீடிப்பு வழங்கப்பட்டிருந்தது.
இந்நிலையில் அனுபவமிக்க இராணுவ அதிகாரியான மேஜர் ஜெனரல் ரொட்ரிகோ முன்னர் இலங்கை இராணுவத்தின் துணைப் பிரதானியாக பணியாற்றினார்.
அவர் முன்னர் பாதுகாப்பு சேவைகள் கட்டளை மற்றும் பணியாளர்கள் கல்லூரியின் தளபதியாகவும் பணியாற்றினார்.
தற்போதைய இராணுவத் தளபதியான லெப்டினன்ட் ஜெனரல் விக்கும் லியனகே, தற்போது இராணுவத் தளபதியாக தனது இரண்டாவது சேவை நீடிப்புடன் சேவையை மேற்கொண்டு வரும் நிலையில், இந்த மாற்றத்தின் ஒரு பகுதியாக
அவர் பதவி விலகவுள்ளார்.