பேருந்து கட்டணங்களில் மாற்றம் இல்லை!

எரிபொருள் விலைகள் திருத்தப்பட்ட போதிலும் பேருந்து கட்டணங்களில் எந்த திருத்தமும் இல்லை என தேசிய போக்குவரத்து ஆணையம் தெரிவித்துள்ளது.

எரிபொருள் விலை சூத்திரத்தின்படி மாதாந்த விலை திருத்தத்தம் நேற்று (31.09) மேற்கொள்ளப்பட்டிருந்தது.

அதன்படி, ரூ.305 ஆக இருந்த 92 ஒக்டேன் பெட்ரோலின் விலை ரூ.06 குறைக்கப்பட்டு புதிய விலை ரூ.299 ஆக நிர்ணயிக்கப்பட்டுள்ளது.

ரூ.341 ஆக இருந்த 95 ஓக்டேன் பெட்ரோலின் விலையில் மாற்றம் மேற்கொள்ளப்படவில்லை.

ரூ.289 ஆக இருந்த ஒரு லிட்டர் வெள்ளை டீசலின் விலை ரூ.06 குறைக்கப்பட்டு புதிய விலை ரூ.283 ஆகவும்,
ரூ.325 ஆக இருந்த ஒரு லிட்டர் சூப்பர் டீசலின் விலை ரூ.12 குறைக்கப்பட்டு புதிய விலை ரூ. 313 ஆகவும் நிர்ணயிக்கப்பட்டுள்ளது.

மண்ணெண்ணெய் விலையிலும் எதுவித மாற்றமும் மேற்கொள்ளப்படவில்லை.