இந்திய அணிக்கு இலகு வெற்றி

இலங்கை, இந்தியா அணிகளுக்கிடையிலான முதலாவது டெஸ்ட் போட்டியில் இந்தியா அணி அபாரமான வெற்றி ஒன்றினை பெற்றுள்ளது. ரவீந்தர் ஜடேஜா இந்தப் போட்டியில் அபாரமான திறைமையினை வெளிப்படுத்தி இந்தியா அணியின் வெற்றியினை இலகுபடுத்தினார்.

இந்தியா அணிக்காக ஏழாமிலக்கத்தில் கூடுதலான ஓட்டங்களை பெற்றவராகவும் தன்னுடைய பெயரை பதிவு செய்துள்ளார்.

இந்தியா அணி இந்தப் போட்டியில் ஒரு இன்னிங்ஸினாலும் 222 ஓட்டங்களினாலும் மூன்று நாட்களில் வெற்றி பெற்றுள்ளது. இந்த வெற்றியின் மூலம் இரண்டு போட்டிகளடங்கிய தொடரில் 1-0 என முன்னிலை பெற்றுள்ளது.

இரு அணிகளுக்குமிடையிலான இரண்டாவது போட்டி எதிர்வரும் 12 ஆம் திகதி பெங்களுர் சின்னசுவாமி மைதானத்தில் நடைபெறவுள்ளது.

முழுமையான ஸ்கோர் விபரம்

—————————-

இலங்கை, இந்தியா அணிகளுக்கிடையிலான டெஸ்ட் தொடரின் முதற் போட்டியின் மூன்றாம் நாளான இன்று இரண்டாம் இன்னிங்சிற்க்காக இலங்கை அணி துடுப்பாடி வருகிறது.

இரண்டாம் இன்னிங்சிலும் விக்கெட்களை வேகமாக இலங்கை அணி இழந்து வருகிறது. இந்தியா அணி இந்தப் போட்டியில் இன்னிங்சினால் வெற்றி பெறும் வாய்ப்பு காணபப்டுகிறது.

இந்தியா அணி முதல் இன்னிங்சில் 8 விக்கெட்களை இழந்து 574 ஓட்டங்களை பெற்றது. இலங்கை அணி 174 ஓட்டங்களை தமது முதல் இன்னிங்சில் பெற்றுக் கொண்டது.

மூன்றாம் நாளின் தேநீர்பான இடைவேளை வரையான ஸ்கோர்

இலங்கை, இந்தியா அணிகளுக்கிடையிலான முதலாவது டெஸ்ட் போட்டியில் இரண்டாவதாக துடுப்பாடிய இலங்கை அணி 174 ஓட்டங்களுடன் முதல் இன்னிங்ஸை நிறைவு செய்துள்ளது.

முதல் இன்னிங்சில் துடுப்பினால் சாதித்த ஜடேஜா, இலங்கை அணியின் துடுப்பாட்ட வீரர்களை உருட்டி எடுத்துள்ளார். 5 விக்கெட்களை ஜடேஜா கைப்பற்றினார்.

இன்று காலை 4 விக்கெட்களை இழந்து 108 ஓட்டங்களுடன் துடுப்பாட்டத்தை இன்று அணி ஆரம்பித்திருந்தது.