இருவேறு பகுதியில் இடம்பெற்ற விபத்துக்களில் இருவர் பலி!

இரு வேறு பிரதேசங்களில் இடம்பெற்ற வீதி விபத்துக்களில் இரு பெண்கள் உயிரிழந்துள்ளதாக அறிவிக்கப்பட்டுள்ளது.

இதன்படி ரக்வானை மற்றும் கலவாஞ்சிகுடி பிரதேசங்களில் இந்த விபத்துக்கள் இடம்பெற்றுள்ளதாக பொலிஸார் தெரிவித்தனர்.

ரக்வான ஒபடகந்த பகுதியில் மோட்டார் சைக்கிள் ஒன்று கட்டுப்பாட்டை இழந்து வீதியில் கவிழ்ந்து விபத்துக்குள்ளானது. இதில் ராஜாங்கனை பிரதேசத்தில் வசிக்கும் 44 வயதுடைய பெண் ஒருவர் உயிரிழந்துள்ளார்.

இதேவேளை, களவாஞ்சிக்குடி செட்டிபாலம பிரதேசத்தில் முச்சக்கரவண்டியுடன் மோதியதில் வீதியில் பயணித்த 76 வயதுடைய பெண் ஒருவர் உயிரிழந்துள்ளதாக பொலிஸார் தெரிவிக்கின்றனர்.