பிரித்தானியாவில் கண்டறியப்பட்ட ‘Eris-EG5’ கொரோனா வைரஸின் புதிய திரிபு அவுஸ்திரேலியாவிலும் வேகமாக பரவிவருவதாக சர்வதேச ஊடகங்கள் செய்தி வெளியிட்டுள்ளன.
இதுவரையில், அவுஸ்திரேலியாவில் 100 தொற்றாளர்கள் வரை அடையாளம் காணப்பட்டுள்ளதாக தெரிவிக்கப்பட்டுள்ளது.
‘Eris-EG.5’ என்பது கொவிட் 19 ஒமிக்ரான் வைரஸின் துணை வகை என மருத்துவ நிபுணர்கள் தெரிவித்துள்ளனர்.
புதிய திரிபு முந்தைய திரிபுகளைவிட அதிக வீரியம் மிக்கதா என்பது தொடர்பில் இதுவரையில் கண்டறியப்படவில்லை எனினும் இந்த புதிய திரிபு வேகமாக பரவும் அபாயமிக்கது என தெரியவந்துள்ளது.
கொவிட் தொற்றுகான தடுப்பூசி பெறுவதில் அவுஸ்திரேலியர்கள் மத்தியில் பின்னடைவு காணப்படுவதனால் இது பெரும் தாக்கத்தை ஏற்படுத்தும் என எச்சரிக்கை விடுக்கப்பட்டுள்ளதாக அந்நாட்டு ஊடகங்கள் தெரிவித்துள்ளன.