மன்னார் முருங்கன் பகுதியில் சுமார் 25 இலட்சம் ரூபாய் பெறுமதியான ஐஸ் போதைப்பொருளுடன் ஒருவர் கைது. மன்னார் ,முருங்கன் பகுதியில் ஐஸ் போதைப்பொருளுடன் ஒருவர் இன்று(10.01) அதிகாலை கைது செய்யப்பட்டுள்ளார்.
மன்னார் இராணுவ புலனாய்வு அதிகாரிகளுக்கு கிடைத்த தகவலுக்கு அமைவாக முருங்கன் பகுதியில் நீண்ட காலமாக மேற்கொள்ளப்பட்டு வந்த பாரிய ஐஸ் போதைப்பொருள் கடத்தல் வியாபாரம் வெற்றிகரமாக முறியடிக்கப்பட்டுள்ளதாக பொலிஸார் தெரிவித்துள்ளனர்.
மன்னார் பொலிஸ், மற்றும் குற்றப்புலனாய்வுப் பிரிவினர்,இணைந்து மேற்கொண்ட இந்தச் சுற்றிவளைப்பிலேயே 25 இலட்சம் ரூபா பெறுமதியான 178.75 கிராம் நிறை கொண்ட ஐஸ் போதைப்பொருள் கைப்பற்றப்பட்டுள்ளதாக தெரியவந்துள்ளது.
கடத்தலை ஈடுபட்ட முக்கிய வியாபாரி அப்பகுதியை விட்டுத் தப்பிச் சென்றுள்ள நிலையில் கடத்தலை மேற்கொண்ட முருங்கன் பிட்டி பகுதியைச் சேர்ந்த 37 வயதுடைய ஒருவர் கைது செய்யப்பட்டுள்ளதாக தெரியவந்துள்ளது.
தப்பி ஓடிய நபர், மற்றும் கடத்தல் தொடர்பான மேலதிக விசாரணைகளை மன்னார் பொலிஸார் மேற்கொண்டு வருகின்றனர்.
ரோகினி நிஷாந்தன்
மன்னார் செய்தியாளர்
