நிலைபேறான அபிவிருத்தி நோக்கங்களில் கவனம் செலுத்தி இலங்கையின் பொருளாதாரத்தை வலுப்படுத்தும் தேசிய இளைஞர் படையின் “சமூக வலுவூட்டல் இளைஞர் பங்களிப்புத் திட்டத்தின்” மூலம் 58 வீடுகளை நிர்மாணிக்கும் திட்டத்தின் கீழ் கட்டப்பட்ட 32வது வீடு கையளிக்கப்பட்டுள்ளது. நீர்ப்பாசனம், நீரிழிவு உட்பட பல நோய்களால் பாதிக்கப்பட்டு வேலை செய்ய முடியாமல் கடும் பொருளாதார நெருக்கடியில் உள்ள விசேட தேவையுடைய பிள்ளையொன்றை வளர்க்கும் ஆர்.டி.விஜேசிங்க மற்றும் ஜி.ஜி.பிரேமாவதி தம்பதியினருக்கு விளையாட்டு மற்றும் இளைஞர் நடவடிக்கைகள் அமைச்சர் ரொஷான் ரணசிங்க தலைமையில் இந்த வீடு நன்கொடையாக வழங்கப்பட்டுள்ளது.
இந்த வீடு சுமார் 18 இலட்சம் ரூபா செலவில் பிரதேசத்தின் வர்த்தக சமூகம் உட்பட நன்கொடையாளர்களின் பங்களிப்புடனும், மாதிரிகிரிய தேசிய இளைஞர் படையணியின் முழு ஒத்துழைப்புடனும் நிர்மாணிக்கப்பட்டுள்ளது.
இத்திட்டத்தின் மூலம், தேசிய இளைஞர் படையின் 58 மையங்களையும் பிரதிநிதித்துவப்படுத்தும் வகையில், 58 வீடுகளை, கடுமையான பொருளாதார சிரமங்கள் மற்றும் நோய்களால் பாதிக்கப்பட்டுள்ள சிறப்புத் தேவையுடைய குழந்தைகளைக் கொண்ட குடும்பங்களுக்குக் வழங்க திட்டமிட்டுள்ளதுடன் இதன் அடுத்தகட்டமாக, அவர்களை பொருளாதார ரீதியில் வலுப்படுத்தும் முகமாக பொருத்தமான சுயதொழில் அறிமுகப்படுத்தப்படும் எனவும் தெரிவிக்கப்பட்டுள்ளது.
தேசிய இளைஞர் படையின் இவ்வாறான செயற்றிட்டங்களினூடாக தேசிய நோக்கம் மற்றும் செயற்றிட்டங்களை வெற்றியடையச் செய்வதற்கான முயற்சிகளை மேலும் வலுப்படுத்தும் நோக்கில் இணையவழி சேவை அறிமுகப்படுத்தவுள்ளதுடன், மேலும், இனிமேல் நிர்மாணிக்கப்படும் ஒவ்வொரு வீட்டிற்கும் தனது தனிப்பட்ட நிதியுதவியாக 100,000.00 ரூபாவை வழங்க எதிர்பார்ப்பதாக அமைச்சர் ரொஷான் ரணசிங்க இந்த விழாவில் உரையாற்றியபோது அறிவித்துள்ளார்.