இலங்கையின் மத்திய மலைநாட்டில் முதலாவது கேபிள் கார் திட்டம் அறிமுகப்படுத்தப்படவுள்ளதாகவும், 4.5 மில்லியன் அமெரிக்க டொலர்கள் இந்த திட்டத்திற்காக முதலீடு செய்யப்பட்டுள்ளதாகவும் இலங்கை முதலீட்டுச் சபை அறிவித்துள்ளது.
சீனாவின் சர்வதேச கட்டட இயந்திர கூட்டுத் தொழில்நுட்பம் மற்றும் தயாரிப்பு நிபுணத்துவத்தினைப் பயன்படுத்தியே இந்த அமைப்பு நிர்மாணிக்கப்படவுள்ளதாக தகவல்கள் வெளியாகியுள்ளன.
மத்திய மலைநாட்டில் அமைந்துள்ள பல்லுயிர் பெருக்க வளாகம் மற்றும் இலங்கையின் முதலாவது பல மத சங்கம இடமாக விளங்கும் அம்புலுவாவவில் முதலில் அறிமுகப்படுத்தப்படுத்த திட்டமிடப்பட்டுள்ளது.