பிரபல இயக்குனர் வெற்றிமாறனின் இயக்கத்தில் நடிகர் சூர்யா நடிக்க இருக்கும் திரைப்படம் வாடிவாசல். இப்படத்திற்கு G .V பிரகாஷ்குமார் இசையமைக்கும் அதேவேளை இப்படத்தில் சூர்யாவோடு இணைந்து நடிகை ஆண்ட்ரியா, அமீர் சுல்தான் ஆகியோர் முக்கியமான கதாபாத்திரங்களில் நடிக்கின்றனர் .
இப்படம் பற்றிய பேச்சு நீண்ட காலமாக இருந்து வரும் நிலையில் தற்போது நடிகர் சூர்யா ஒரு ஆங்கில திரைப்படத்தில் நடிப்பதற்கு ஒப்பந்தமாகி உள்ளதாக தகவல் வெளியாகி உள்ளது. இந்த படக்குழு நடிகர் சூர்யாவிற்கு இந்த ஆங்கில படத்தில் படத்தில் நடிக்கும் போது வேறு எந்த படத்திலும் நடிப்பதற்கு ஒப்பந்தம் செய்யக்கூடாது என தெரிவித்துள்ளனர்.
ஆங்கில படத்தில் சூர்யா ஒப்பந்தமாவது உறுதியானால் வாடிவாசல் படத்தில் நடிக்க முடியாது. ஆகையால் இது பற்றி இயக்குனர் வெற்றிமாறனோடு சூர்யா கலந்துரையாடியுள்ளார். ஆங்கில படத்திற்கு முன்பாக வாடிவாசல் படத்தை தொடங்குவோம் என சூர்யா கூறிய நிலையில் வெற்றிமாறனும் அடுத்த வருடம் மார்ச் மாதமளவில் பத்து நாட்கள் படப்பிடிப்பினை நடத்தலாம் என கூறியுள்ளார். மேலும் இந்த பத்து நாட்களும் சூர்யா, அமீர் சம்பந்தமான காட்சிகள் படமாக்கப்பட உள்ளதாகவும் தகவல்கள் வெளியாகியுள்ளன.
அந்தவகையில் சூர்யா எந்த படத்தில் முதலில் நடிப்பார் என்பது கேள்வி குறியாக இருப்பதாக சினிமா வட்டாரங்கள் தெரிவிக்கின்றன.