எதிர்வரும் 11ம் திகதி முதல் 14ம் திகதி வரையான நீண்ட விடுமுறைக்கு அமைய கடமைகளை நிறைவேற்றுவது தொடர்பான அறிவிப்பை பொது நிர்வாக, உள்நாட்டலுவல்கள், மாகாண சபைகள் மற்றும் உள்ளூராட்சி அமைச்சு வெளியிட்டுள்ளது.
குறித்த காலப்பகுதியில் அனைத்து பிரதேச செயலாளர்கள் உட்பட மாவட்டத்தின் அனைத்து அரச உத்தியோகத்தர்களும் அரச நிறுவனங்களுடன் ஒருங்கிணைந்து தேவையான செயற்பாடுகளை முன்னெடுக்க வேண்டும் என தெரிவிக்கப்பட்டுள்ளது.
விடுமுறை காலத்தின் போது அனர்த்தம் மற்றும் அவசர அத்தியாவசிய பணிகள் தொடர்பில் அவதானத்துடன் செயற்படுமாறு வலியுறுத்தப்பட்டுள்ளது.
அனைத்து மாவட்ட செயலாளர்கள், பிரதேச செயலாளர்கள் மற்றும் உள்ளுராட்சி சபையில் பணிபுரியும் அனைத்து அதிகாரிகளுக்கும் இந்த அறிவித்தல் விடுக்கப்பட்டுள்ளது.
தற்போது நடைமுறைப்படுத்தப்பட்டு வரும் அபிவிருத்தித் திட்டங்கள் மற்றும் வேலைத்திட்டங்களை விடுமுறைக் காலத்தின் போது இடையூறின்றி முன்னெடுக்கப்பட வேண்டும் என தெரிவிக்கப்பட்டுள்ளது.