இந்த வருடத்தின் இதுவரையான காலப்பகுதியில் இலங்கைக்கு வருகை தந்துள்ள வெளிநாட்டுச் சுற்றுலாப் பயணிகளின் எண்ணிக்கை 14 இலட்சத்தை நெருங்கியுள்ளது.
இந்த வருடத்தின் செப்டெம்பர் 8ம் திகதி வரையான காலப்பகுதியில் இலங்கைக்கு வருகை தந்த மொத்த சுற்றுலாப் பயணிகளின் எண்ணிக்கை 1,395,773 என இலங்கை சுற்றுலா அபிவிருத்தி அதிகார சபை தெரிவித்துள்ளது.
கடந்த பெப்ரவரி மாதத்திலேயே அதிக எண்ணிக்கையிலான சுற்றுலாப் பயணிகள் இலங்கைக்கு வருகை தந்துள்ளனர். குறித்த எண்ணிக்கை 218,350 ஆகும்.
ஜனவரி மற்றும் மார்ச் மாதங்களில் 200,000க்கும் மேற்பட்ட சுற்றுலாப் பயணிகள் வருகை தந்துள்ளமை சுட்டிக்காட்டத்தக்கது.
இந்தியா, பிரித்தானிய, ரஷ்யா, ஜெர்மனி மற்றும் சீனா ஆகிய நாடுகளிலிருந்து பெருமளவான சுற்றுலாப் பயணிகள் வருகை தந்துள்ளதாகத் தெரிவிக்கப்படுகின்றது.
கடந்த வருடம் இலங்கைக்கு வருகை தந்த மொத்த சுற்றுலாப் பயணிகளின் எண்ணிக்கை 1,487,303 ஆகும். இருப்பினும் இந்த வருடம் நிறைவடைய சுமார் 4 மாத காலம் மீதமிருக்கின்ற நிலையில், சுற்றுலாப் பயணிகளின் எண்ணிக்கை 14 இலட்சத்தை நெருக்கியுள்ளது.