இங்கிலாந்து அதிரடி துடுப்பாட்டம்

அவுஸ்திரேலியா மற்றும் இங்கிலாந்து அணிகளுக்கிடையில் இன்று(22.02) சம்பியன்ஸ் கிண்ணத்தின் 4 ஆவது போட்டியாக லஹோரில் நடைபெற்று வருகிறது.

நாணய சுழற்சியில் வெற்றி பெற்ற அவுஸ்திரேலியா அணி களத்தடுப்பை தெரிவு செய்தது.

முதலில் துடுப்பாடிய இங்கிலாந்து அணி 50 ஓவர்களில் 8 விக்கெட்களை இழந்து 351 ஓட்டங்களை பெற்றது. சம்பியன்ஸ் கிண்ணத்தில் இது இங்கிலாந்து அணியின் அதிகூடிய ஒட்டமாகும். இதில் பென் டக்கெட் 165(143) ஓட்டங்களையும், ஜோ ரூட் 68(78) ஓட்டங்களையும் பெற்றனர். இது பென் டக்கெடின் 3 ஆவது சதமும் அவரின் முதல் 150 ஓட்டங்களுமாகும். இங்கிலாந்து அணியின் முதல் இரு விக்கெட்களும் வேகமாக வீழ்த்தப்பட்டன. 3 ஆவது விக்கெட் இணைப்பாட்டத்திற்காக ஜோடி சேர்ந்த பென் டக்கெட், ஜோ ரூட் ஆகியோர் 158 ஓட்டங்களை இணைப்பாட்டமாக பகிர்ந்து அணியின் ஓட்ட எண்ணிக்கயை உயர்த்தினர்.

அவுஸ்திரேலியா அணியின் பந்துவீச்சில் பென் டுவர்ஸியஸ் 3 விக்கெட்களையும், ஆடம் சம்பா, மார்னஸ் லபுஸ்சென் ஆகியோர் தலா 2 விக்கெட்களையும் கைப்பற்றினர்.

அணி விபரம்

இங்கிலாந்து அணி :- பில் சால்ட், பென் டக்கெட், ஜேமி ஸ்மித், ஜோ ரூட், ஹரி ப்ரூக், ஜோஸ் பட்லர்(தலைவர்), லியாம் லிவிங்ஸ்டன், பிரைய்டன் கார்ஸ்,ஜோப்ரா ஆர்ச்சர், அடீல் ரஷீத், மார்க் வூட்

அவுஸ்திரேலியா அணி :- ட்ரவிஸ் ஹெட், மத்தியூ ஷோர்ட், ஸ்டீவன் ஸ்மித்(தலைவர்), ஜோஷ் இங்கிலிஷ், மார்னஸ் லபுஸ்ஷேன், அலெக்ஸ் கேரி, கிளென் மக்ஸ்வெல், பென் த்வார்ஷியஸ்,நேதன் எல்லிஸ், ஆடம் சம்பா, ஸ்பென்ஸர் ஜோன்சன்