தேர்தலுக்காக சில கட்சிகள் கறுப்பு பணத்தை பயன்படுத்துவதாக ஜனாதிபதி வேட்பாளரான விஜயதாச ராஜபக்ஷ தெரிவித்துள்ளார்.
ஹம்பாந்தோட்டையில் நேற்று(19.08) ஊடகங்களுக்கு கருத்து தெரிவிக்கும் போதே அவர் சில அரசியல் கட்சிகள் மீது இவ்வாறு குற்றம் சுமத்தியுள்ளார்.
சில அரசியல் கட்சிகளின் வங்கிக் கணக்குகளில் தேர்தலுக்காக செலவு செய்வதற்கு போதிய பணம் இல்லை என சுட்டிக்காட்டியுள்ள விஜயதாச, இத்தகைய கட்சிகளின் வங்கிக் கணக்குகளில் சுமார் ஒரு இலட்சம் ரூபாய் கூட வைப்பில் இல்லை என தெரிவித்துள்ளார்.
இவ்வாறான அரசியல் கட்சிகள் கறுப்பு பணத்தையே தேர்தலுக்காக பயன்படுத்துவதாக ஜனாதிபதி வேட்பாளர் விஜயதாச ராஜபக்ஷ குற்றம் சுமத்தியுள்ளார்.