கண்டியிலிருந்து மாத்தறை நோக்கிச் சென்ற அதிவேக புகையிரதத்துடன் வான் மோதி விபத்துக்குள்ளாகியதில் ஒருவர் காயமடைந்துள்ளார்.
கேகாலை, அம்பேபுஸ்ஸ புகையிரத நிலையத்தின் கீனதெனிய கடவையில் இந்த விபத்து சம்பவித்துள்ளதாக பொலிஸார் தெரிவித்துள்ளனர்.
விபத்தில் காயமடைந்த வானின் சாரதி வரக்காபொல ஆதார வைத்தியசாலையில் அனுமதிக்கப்பட்டுள்ளார்.
விபத்தின் போது வானில் சாரதி மாத்திரம் இருந்துள்ள நிலையில், வான் பலத்த சேதமடைந்துள்ளதாகத் தெரிவிக்கப்படுகின்றது.
ரயில் தண்டவாளத்திலிருந்து விபத்துக்குள்ளாகிய வான் அகற்றப்பட்டதன் பின்னர், குறித்த மார்க்கத்திலான ரயில் சேவைகள் மீள ஆரம்பிக்கப்பட்டுள்ளன. இதன் காரணமாக 30 நிமிடங்கள் ரயில் சேவைகள் தாமதமடைந்துள்ளன.
விபத்து தொடர்பில் மீரிகம போக்குவரத்து பொலிஸார் மேலதிக விசாரணைகளை முன்னெடுத்துள்ளனர்.